BIOGRAFÍA:
Francisco Castro Veloso, nado en Vigo o 27 de
outubro de 1966, é un escritor e editor galego. Traballa desde hai anos como
cronista cultural en varios medios galegos, e na actualidade na Editorial
Galaxia. É autor do libro de relatos eróticos Xeografías, de A canción do
náufrago, ambos de 2001, e do relato histórico Memorial do infortunio. En 2004 publicou
Xeración perdida, novela coa que entra o lector no mundo das drogas, e Un
bosque cheo de faias, que gañou o Premio Frei Martín Sarmiento. Recibiu en 2006
o Premio Blanco Amor de novela longa con Spam, que publica Galaxia.
En 2007 resultou gañador do Premio de Novela
Manuel García Barros, concedido polo Concello da Estrada, coa novela As
palabras da néboa, publicado por Editorial Galaxia. No mesmo ano publica O ceo
dos afogados que foi finalista do premio Fundación Caixa Galicia e que
recibiría o Frei Martín Sarmiento como mellor libro do ano.
A finais do ano 2010 foi nomeado presidente de
GALIX (Asociación Galega do Libro Infantil e Xuvenil), cargo que desenvolveu
ata finais de 2015. No ano 2011 publica unha novela para adultos titulada In
Vino Veritas.
No ano 2013, a súa novela O corazón da Branca
de neve resultou gañadora da 13 edición do Premio de Novela por Entregas de La
Voz de Galicia.
En 2014 publicou a novela Tes ata as 10 e en
2016 Amor é unha palabra coma outra calquera.
En 2016 pasou a ocupar o cargo de director na
Editorial Galaxia, sucedendo no posto a Víctor Freixanes, que pasou a ser
conselleiro.
OBRAS:
Narrativa
A outra banda da fiestra. (1989) Relatos.
Amor de Cinema. (1994, Edicións do Cumio)
Novela.
Play-back. (1997) Novela.
A canción do náufrago. (2001, Ir Indo)
Relatos.
Xeografías. (2001, Positivas) Narrativa
erótica.
Memorial do inforturnio. (2003, A Nosa Terra)
Novela histórica.
Río Leteo. (2004, Espiral Maior). Relatos.
Xeración perdida. (2004, Galaxia) Novela.
Traducida ao castelán no 2011, como Generación perdida, en Pulp Books.
Spam. (2006, Galaxia) Novela. Traducido ao
italiano no 2012, en Edizioni dell'Urogallo.
As palabras da néboa. (2007, Galaxia) Novela.
In vino veritas. (2011, Galaxia) Novela.
O corazón de Branca de Neve. (2013, Galaxia).
Novela.
Tes ata as 10. (2014, Galaxia). Novela
Amor é unha palabra coma calquera outra.
(2016, Galaxia). Novela
Literatura
infanto-xuvenil
Un bosque cheo de faias. (2004, Everest).
Narrativa infantil.
O ceo dos afogados. (2007, Xerais) Narrativa
xuvenil.
Chamádeme Simbad. (2009, Galaxia) Narrativa
infantil.
O segredo de Marco Polo (2010, Galaxia)
Narrativa xuvenil.
Tradución[editar | editar a fonte]
Herbario, de Elena Poniatowska, incluído no
volume A filla do filósofo (2009, Galaxia).
Obras
colectivas
Alma de beiramar. (2003, Asociación de
Escritores en Lingua Galega).
23 poetas galegos cantan a don Antonio
Machado, 2004, Hipocampo.
Uxío Novoneyra. A emoción da Terra (2004,
AELG).
Escrita Contemporánea, Homenaxe a Ánxel Casal.
(2005, AELG).
Volverlles a palabra. Homenaxe aos
represaliados do franquismo. (2006, Difusora).
Educación e Paz III. Literatura galega pola Paz
(2008, Xerais).
Letras novas (2008, AELG).
Quéroche contar un conto (2010, Xerais).
En defensa do Poleiro. (2010, Toxosoutos).
Manual para condutores con faros antinéboa.
(2010, Xunta de Galicia).
Pel con pel (2010, Galaxia).
Urbano. Homenaxe a Urbano Lugrís (2011, A Nave
das Ideas).
Vivir un soño repetido. Homenaxe a Lois
Pereiro (2011, AELG), libro electrónico.
Versos no Olimpo. O Monte Pindo na poesía
galega (2013, Toxosoutos).
Xabarín 18 (2013, EEI Monte da Guía/Concello
de Vigo/Galaxia).
O neno can (2014, Galaxia). Con Fina
Casalderrey.
OPINIÓNS dos LECTORES:
Gustoume moito e recomendaríao porque trata moi ben miotos temas da actulidade. Este libro é moi interesante e fala de moitas cousas que a xente coñece e que son moi importantes.
Leonor Vázquez Veira
Recomendo este libro porque trata do alzheimer e é unha enfermidade que afecta a moitas familias. a verdade gustoume moito.
Lucía López Regueiro
A min gustoume este libro porque da unha visión dunha familia normal e aprendes moitas cousas. Recomendo este libro porque fala do alzheimer.
Daniela Pereira
A min gustoume porque é un libro bastante divertido e aprendes cousas novas.
Sonia Bouza Rivas
