No pasado mes de outubro deron comezo as reunións do Club de Lectura Larpacontos.
Como en anos pasados reunímonos nos recreos do comedor en luns alternos.
Este é un espazo colaborativo dos membros dos clubs de lectura do CPI Plurilingüe Virxe da Cela de Monfero. É o lugar de encontro das persoas desta comunidade educativa con pasión pola lectura. Leremos e descubriremos libros que compartiremos aquí con todos vos.
domingo, 16 de diciembre de 2018
miércoles, 6 de junio de 2018
Excursión do Club de Lectura
O pasado luns 28 de maio o alumnado dos Clubs de lectura Larpacontos fixeron unha excusión á Coruña para visitar o cemiterio de San Amaro.
Foi unha actividade exclusiva para os membros do club de lectura. A profesora Carmen Espiñeira, preparou unha pequena “gincana” para resolver por equipos, usando as cámaras dos seus móviles, os retos que previamente tiveron que investigar na biblioteca e internet e por último o plano do cemiterio. Nos retos había distintos obxectivos: autores literarios, artistas, epitafios...
Por todo esto é unha visita que vos recomendamos, incluso tedes a posibilidade de facer unha visita nocturna guiada: http://visitasguiadas.coruna.es/
Foi unha actividade exclusiva para os membros do club de lectura. A profesora Carmen Espiñeira, preparou unha pequena “gincana” para resolver por equipos, usando as cámaras dos seus móviles, os retos que previamente tiveron que investigar na biblioteca e internet e por último o plano do cemiterio. Nos retos había distintos obxectivos: autores literarios, artistas, epitafios...
Imaxes obtidas polo equipo gañador
Os distintos equipos investigando
Membros do club Larpacontos 2018
O Cemiterio Municipal de San Amaro A Coruña é
un Camposanto histórico do ano 1854 e dos máis importantes de Galicia, xa que
nel descansan numerosas personaxes
ilustres e pertence desde o ano 2012 ao ASCE (Asociación Europea de
Cemiterios Significativos).
O cemiterio está dividido en tres zonas:
• A zona Relixiosa.
• A zona Civil.
• A zona Británica.
Este último é privado xa que o comprou o
cónsul británico en Galicia e permanece pechado.
Itinerarios deseñados polo concello.
Existen uns itinerarios que o Concello da
Coruña ten dispoñibles nas oficinas de turismo e no propio cemiterio.
1 - Itinerario dos creadores, historiadores e
científicos:
Eduardo Pondal, Manuel Murguía, Curros
Enríquez e Wenceslao Fernández Fórez son
algúns dos 70 grandes nomes que se propón visitar nesta ruta.
2 -
Itinerario dos políticos, os militares e os soños da Coruña:
Nesta ruta proponse visitar as sepulturas das
personalidades fusiladas na Guerra Civil e unha considerada heroína que axudou
na epidemia do cólera en 1854.
3 - Itinerario dos segredos de San Amaro:
Neste itinerario proponse visitar as tumbas de
soldados alemáns vítimas do afundimento do submarino Ou966 Gut Holtz o 10 de
novembro de 1943, ademais de xentes do pobo falecidas durante a Guerra Civil.
4 - Itinerario artístico:
A proposta deste itinerario é percorrer os
panteóns máis artísticos cun total de 29 paradas con xoias do neoclasicismo, templos neorománicos ou xónicos,
ou panteóns modernistas.
Por todo esto é unha visita que vos recomendamos, incluso tedes a posibilidade de facer unha visita nocturna guiada: http://visitasguiadas.coruna.es/
domingo, 27 de mayo de 2018
5ª Lectura: Mecanoescrito da segunda orixe, Manuel de Pedrolo
omo proposta de Hugo, membro destacado do club Larpacontos, escollemos este libro como quinta lectura do club:
Manuel de Pedrolo i Molina, nado en l'Aranyó (Segarra) o 1 de abril de 1918 e finado en Barcelona o 26 de xuño de 1990, foi un escritor catalán. Comezou a escribir moi novo, e a súa obra convertiuno non só no escritor máis prolífico, senón tamén nunha das figuras máis importantes da literatura catalá do século XX. En 1979 recibiu o Premio de Honra das Lletres Catalanes. Manuel de Pedrolo mantivo as súas firmes convicións políticas até a súa morte, converténdose non intelectual íntegro comprometido co seu tempo e o seu país. Mostrouse especialmente crítico cos partidos políticos cataláns antes, durante e despois da transición española, sendo considerado decote un referente e intelectual da esquerda independentista.
María Victoria Moreno Márquez, nada en Valencia de Alcántara (provincia de Cáceres) o 1 de maio de 1939 e finada en Pontevedra o 22 de novembro de 2005, foi unha editora, tradutora, conferenciante, escritora de literatura infantil e xuvenil galega e profesora de ensino secundario en institutos de Lugo, Sanxenxo e Pontevedra. O seu texto máis coñecido é Anagnórise (Galaxia, 1988), vinte veces reeditado e traducido a varias linguas. Algúns trazos fundamentais da súa obra son o lirismo, a conversión dos animais en protagonistas e a crítica a un ensino reseso.
Este ano 2018 foi a figura protagonista do Día das Letras Galegas, sendo a cuarta muller, tras Rosalía de Castro, Francisca Herrera Garrido e María Mariño, que levou ese recoñecemento na historia da celebración.
Alba é unha moza de 14 anos, e Dídac é un rapaz de 9, que viven en Benaura, unha vila rural catalá. Alba tirárase a rescatar a Dídac logo de que uns rapaces lle pegasen e o tirasen ao río por ser mulato. Xusto nese momento prodúcese un ataque alieníxena que extermina os mamíferos e esnaquiza algúns edificios, pero eles dous logran sobrevivir ao estar baixo da auga.
Logo do shock inicial, comezan a adaptarse á nova situación. Fuxindo do perigo dunha epidemia ao estar a vila chea de cadáveres, marcha á fraga. Primeiro instálanse nunha cova xunto a unha fervenza, e despois van a unha masía abandonada. Fan acopio de víveres e produtos necesarios para sobrevivir. Un día teñen un encontro cun alieníxena, con corpo humanoide, e mátano. Sotérrano e quedan cunha arma moi perigosa que lanza lume. Dídac pasa o sarampelo e Alba fractura unha tibia. Despois, cando dos corpos dos falecidos xa só quedan os esqueletos, marchan a Barcelona, e comezan a facer unha gran biblioteca rescatando exemplares de libros para preservar o coñecemento.
Despois marchan a unha aldea preto do río Llobregat na costa e comezan a cultivar plantas. Atopan o corpo dunha muller morta poucos días antes. Máis adiante inician unha viaxe en barco polo Mediterráneo. Continúan cara ás illas gregas, e unha noite de verán que dormen na praia perden a virxindade. Dídac xa ten 12 anos e ela 17.
Logo do paso da amizade ao amor, fan a viaxe de regreso. Regresan cara a Cataluña e aséntanse nunha vila da costa. Alí, en primavera, Alba dá a luz sen problemas, pero xurdirá de novo a traxedia.
Opinións dos lectores
....
Rubén
....
Daniel
....
Hugo
Sobre o autor
Sobre a traductora
Este ano 2018 foi a figura protagonista do Día das Letras Galegas, sendo a cuarta muller, tras Rosalía de Castro, Francisca Herrera Garrido e María Mariño, que levou ese recoñecemento na historia da celebración.
Sobre a obra
Logo do shock inicial, comezan a adaptarse á nova situación. Fuxindo do perigo dunha epidemia ao estar a vila chea de cadáveres, marcha á fraga. Primeiro instálanse nunha cova xunto a unha fervenza, e despois van a unha masía abandonada. Fan acopio de víveres e produtos necesarios para sobrevivir. Un día teñen un encontro cun alieníxena, con corpo humanoide, e mátano. Sotérrano e quedan cunha arma moi perigosa que lanza lume. Dídac pasa o sarampelo e Alba fractura unha tibia. Despois, cando dos corpos dos falecidos xa só quedan os esqueletos, marchan a Barcelona, e comezan a facer unha gran biblioteca rescatando exemplares de libros para preservar o coñecemento.
Despois marchan a unha aldea preto do río Llobregat na costa e comezan a cultivar plantas. Atopan o corpo dunha muller morta poucos días antes. Máis adiante inician unha viaxe en barco polo Mediterráneo. Continúan cara ás illas gregas, e unha noite de verán que dormen na praia perden a virxindade. Dídac xa ten 12 anos e ela 17.
Logo do paso da amizade ao amor, fan a viaxe de regreso. Regresan cara a Cataluña e aséntanse nunha vila da costa. Alí, en primavera, Alba dá a luz sen problemas, pero xurdirá de novo a traxedia.
Opinións dos lectores
Gael
....Rubén
....
Daniel
....
Hugo
....
Ariadna
4ª Lectura: Sin noticias de Gurb, Eduardo Mendoza
Sobre o autor
De pai fiscal e nai ama de casa, estudou nos Maristas, para logo cursar a carreira de Dereito, que rematou en 1965. En 1966 viaxou a Londres cunha bolsa de estudos, volvendo á súa cidade natal para exercer a avogacía. No 1973 abandonou Barcelona para marchar a Nova York como tradutor da ONU. Regresou á cidade condal en 1982, aínda que ausentándose dela frecuentemente debido ás súas constantes viaxes. En Barcelona segue residindo actualmente. A súa dona, a actriz Rosa Novell, faleceu en 2015.
Deuse a coñecer en 1975 coa novela La verdad sobre el caso Savolta, censurada inicialmente polo franquismo. A obra recibiu un aplauso unánime da crítica. Recolle as lembranzas de Javier Miranda, espectador das tensións sociais que acontecen na Barcelona dos anos 1917 a 1919. Eduardo Mendoza combina as peripecias individuais e os acontecementos colectivos, con certos trazos de novela histórica. Mais, por embaixo dos sucesos, percíbese unha reflexión sobre o lugar e as actitudes do home no mundo que o arrodea, situándose tal reflexión tanto nun plano social e político, coma nun plano existencial. Todo isto cunha notable variedade de técnicas estruturais e estilísticas.
Introduciuse na novela negra con toques humorísticos coas súas dúas seguintes obras, El misterio de la cripta embrujada (1979) e El laberinto de las aceitunas (1982), para logo escribir a que moitos consideran a súa obra mestra: La ciudad de los prodigios (1986). Narra a chegada á Barcelona de 1887 dun campesiño arruinado, Onofre Bouvila, que atopa traballo como repartidor de propaganda anarquista entre os obreiros que traballan na Exposición Universal do ano seguinte.
Sobre a obra
Dous alieníxenas son enviados ao planeta Terra, e aterran preto de Barcelona. Un deles, Gurb, toma a aparencia da cantante galega Marta Sánchez e dedícase a investigar a vida humana. Porén, pérdese e non lle dá novas ao seu xefe (o narrador), que marcha explorar a cidade pola súa conta. Nun principio toma a imaxe do Conde-Duque de Olivares, e vai mudando a aparencia segundo as circunstancias, modificando de forma improvisada os obxectivos da misión.
Así, mentres anda na procura de Gurb, vai coñecendo a vida da cidade e dos seus habitantes. Nese momento a vila prepárase para os Xogos Olímpicos de 1992, a pesar do cal a cidade está organizada de forma caótica, facendo críticas veladas ás institucións como o Concello, a Generalitat de Catalunya e o Goberno de España. O alieníxena vaise integrando nas incomprensibles e absurdas actividades da vida cotiá. Analiza por exemplo as diferenzas sociais entre xente rica e xente pobre, diferenciando os barrios de San Cosme e Pedralbes. No seu proceso de socialización faise amigo dunha parella maior que rexenta un bar, e faille as beiras a unha veciña.
Atopa a Gurb e pensan en asentarse en Barcelona, pero os seus xefes encoméndanlles a misión de ir a un planeta en Alfa Centauro. Finalmente envían a nave cara a esa galaxia e quedan na cidade, mais Gurb volve desaparecer, rematando cun final aberto.
Opinións dos lectores
É un libro sorprendente, narrado dun xeito moi orixinal, como un diario de a bordo ou caderno de bitácora dun viaxeiro, pero dun viaxeiro espacial. Aínda así non acabei de entender este sentido do humor tan persoal.
Gael
Gústame porque o protagonista vive unha serie de aventuras eestrambóticas e moi divertidas.Rubén
Gustoume porque .
Daniel
Gustoume moito
Hugo
É un libro ambientado na Barcelona dos anos 80. Gustoume porque é un tema que sempre me gustou: os extraterrestres.
Ariadna
viernes, 9 de febrero de 2018
3ª Lectura: A nena de auga e o príncipe de lume, Xabier Docampo
A terceira lectura do club, facendo honor ao noso nome de Larpacontos, foi unha recompilación de contos: A nena de auga e o
príncipe de lume, dun autor xa coñecido no club: Xabier Docampo.
Sobre o Autor
Xabier Docampo, falando da súa vida:
Nacín chairego e fillo de chairegos o 5 de abril de 1946 en Rábade (Lugo). Aos meus sete meses trasladámonos a Castro de Ribeiras de Lea, de alí era miña mai —meu pai de Xermar (Cospeito)—, onde fun por primeira vez á escola.
Pasando por enriba da etapa máis interesante da miña vida, a infancia, no comezo da adolescencia a familia enteira trasladouse a vivir á Coruña onde estudiei o bacharelato e maxisterio, sen perder nunca o contacto coa Terra Cha a onde regresabamos en calquera oportunidade por curta que fose a estancia.
Traballei como mestre en varios colexios e durante oito anos en Preescolar na Casa. Estiven sempre relacionado cos movementos de renovación pedagóxica.
Pertencín ao Consello de Redacción da Revista Galega de Educación. Dei cursos a profesores e lin ponencias en congresos sobre a didáctica da lingua e a literatura, sobre a lectura e a súa implantación escolar e social, sobre a narración oral, a súa estructura, a súa influencia na literatura escrita e a súa utilización didáctica, tanto en Galicia coma fóra. Estas actividades de reflexión sobre da narración oral, a escritura e a lectura leváronme a participar como conferenciante en eventos sobre tales temas en América en diversas ocasións.
Escribín libros de texto para a escola e textos de ensaio didáctico e pedagóxico.
Fun actor e director de teatro. Traballei durante sete anos en Radio Nacional de España en Galicia como guionista e como director de programas de diverso tipo e formato. Tamén escribín e dirixín obras para vídeo e para televisión. Dei cursos a profesores sobre a utilización didáctica de ambos medios.
Durante un tempo fixen diferentes actividades de narración oral en distintos lugares de Galicia e de fóra.
Participei na creación da Asociación Galega do Libro Infantil e Xuvenil (GALIX) na que pertencín durante cinco anos á súa xunta directiva, dous deles como presidente.
Durante tres anos fun columnista semanal na prensa diaria.
Polos meus libros déronme algúns premios:
Premio "Feira do Libro de A Coruña, 1989", polo conxunto da obra narrativa.
Premio "Emilia Pardo Bazán" do Ministerio de Educación.
Premio "Rañolas 1994" á mellor obra de Literatura Infantil e Xuvenil en Galicia.
"Premio Nacional de Literatura Infantil y Juvenil 1995".
"Honourl List IBBY 1996".
"The White Ravens 1997" de la Jugendbibliothek de Munich.
Premio "Lecturas" da Asociación do Libro Infantil e Xuvenil de Galicia (GALIX) de 2004.
"The White Ravens 2005" da Jugendbibliotethet de Munich.
Sobre a obra
Opinións dos lectores
Pareceume un libro bonito
e intrigante. O meu conto favorito é o do mando a distancia, gustaríame ter un
mando coma ese.
Rubén
Pareceume bastante
divertido e interesante. O meu conto favorito é A nena de auga e o príncipe de
lume porque é una historia romántica e son as miñas historias favoritas.
Ariadna
Gustoume porque son
contos curtos moi ben narrados. O meu favorito é o do cabalo de cartón porque
recrea un mundo fantástico feito de papel xenial.
Daniel
Recopilación interesante de contos moi orixinais cheos de creatividade. Recoméndoo¡
Hugo
Recopilación interesante de contos moi orixinais cheos de creatividade. Recoméndoo¡
Hugo
lunes, 29 de enero de 2018
2ª Lectura: Percy Jackson y el ladrón del rayo, Rick Riordan
A petición dos membros do club de lectura deste curso, escollemos este libro como segunda lectura do club:
O ladrón do raio (título orixinal en inglés: The Lightning Thief) é un libro escrito por Rick Riordan. É o primeiro libro da serie Percy Jackson e os deuses do Olimpo, que conta as aventuras dun mozo actual de doce anos, Percy Jackson, cando descobre que é un semideos; o fillo dunha mortal, Sally Jackson, e do deus grego, Poseidón. Percy e os seus amigos realizan unha procura para previr unha guerra apocalíptica entre os deuses gregos Zeus e Poseidón.
Rubén
Gustoume porque trata a mitoloxía grega e crea unhas persoaxes moi boas como Groves. Tamén está moi ben enlazado o real e o fantástico de maneira que todo ten sentido.
Daniel
Gustoume moito. Mestura moi ben a mitoloxía grega coa realidade actual. transforma algo antigo en novo.
Hugo
Sobre o autor
Rick Riordan, nado e
criado en San Antonio, Texas, graduándose na escola secundaria de Alama
Heights. Despois se graduó da Universidade de Texas. Deu clases de Inglés e
Estudos Sociais por 8 anos en Presidio Hill School en San Francisco.
Riordan creou varias
exitosas sagas literarias. A multi premiada saga de misterio para adultos Tres
Navarre, que segue as aventuras dun erudito texano. A súa serie Percy Jackson e
os deuses do Olimpo segue ao personaxe principal de 12 anos que descobre que é
un fillo moderno do deus da Antiga Grecia, Poseidón. Twentieth Century Fox comprou
os dereitos cinematográficos e estreou Percy Jackson e o ladrón do raio o 12 de
febreiro do 2010. Debido ao triunfo de" Percy Jackson", Riordan creou
As crónicas de Kane, saga que trata sobre a Mitoloxía Exipcia e dous irmáns
protagonistas, Sadie e Carter Kane. O primeiro libro, A pirámide vermella,
publicouse o 4 de maio do 2010; a secuela, O trono de lume, foi publicada 3 de
Maio do 2011. O terceiro e último libro nas Crónicas de Kane, A sombra da
serpe, saíu á venda o 1 de maio de 2012. Riordan tamén creo outra saga secuela
á de Percy Jackson, Os heroes do Olimpo. O primeiro libro, O heroe perdido, foi
lanzado nos Estados Unidos o 12 de outubro do 2010; a secuela, O Fillo de
Neptuno, foi lanzado o 4 de outubro do 2011, o terceiro libro na saga, A Marca
de Atenea, foi lanzado o 2 de outubro do 2012, o cuarto libro A Casa de Hades
foi lanzado o 8 de outubro do 2013, e o quinto libro, O Sangue do Olimpo
estreouse o 7 de outubro do 2014. A Espada do Tempo, o primeiro libro na serie
Magnus Chase e os deuses de Asgard, unha serie sobre a mitoloxía nórdica, foi
lanzado o 6 de outubro do 2015. Ademais Riordan axudou na creación da serie de
libros infantís The 39 Clues; escribiu varios dos libros da serie, incluindo O
labirinto de ósos, o cal estivo na cabeza da lista de The New York Times Best
Seller list no 28 de setembro do 2008. En setembro de 2015 anunciou a súa nova
saga que seguiría aos semidioses gregos e ao deus Apolo humanizado: As Probas
de Apolo; o primeiro libro desta saga, O Oráculo Oculto foi lanzado o 3 de maio
de 2016 á venda nos Estados Unidos.
Riordan vive en Boston
coa súa esposa, Becky, e os seus dous fillos Patrick e Haley, quen inspiraron a
serie de Percy Jackson como unha historia para durmir.
Sobre a obra
O ladrón do raio (título orixinal en inglés: The Lightning Thief) é un libro escrito por Rick Riordan. É o primeiro libro da serie Percy Jackson e os deuses do Olimpo, que conta as aventuras dun mozo actual de doce anos, Percy Jackson, cando descobre que é un semideos; o fillo dunha mortal, Sally Jackson, e do deus grego, Poseidón. Percy e os seus amigos realizan unha procura para previr unha guerra apocalíptica entre os deuses gregos Zeus e Poseidón.
Riordan terminou de escribir o manuscrito en 1994. O libro vendeu máis de 1,2 millóns de copias no catro anos seguintes, aparecendo en The New York Times children's Best Seller list e sendo catalogado nun dos Young Adult Library Services Association mellores libros para mozos adultos, entre outros premios.
Opinións dos lectores
É un libro que trata de mitoloxía. Relaciona a mitoloxía antiga co mundo moderno. Recoméndoo para xóvenes porque trata problemas do noso interese.
Gael
Gústame porque os protagonistas viven unha serie de aventuras fantásticas e moi divertidas.Rubén
Gustoume porque trata a mitoloxía grega e crea unhas persoaxes moi boas como Groves. Tamén está moi ben enlazado o real e o fantástico de maneira que todo ten sentido.
Daniel
Gustoume moito. Mestura moi ben a mitoloxía grega coa realidade actual. transforma algo antigo en novo.
Hugo
Eu xa tiña vista a película e o libro non se parece casi nada. Gustoume máis o libro porque podes imaxinar por ti mesma as persoaxes en vez de que cho den xa feito. Ademais a historia no libro ten moitos detalles e ata a trama é distinta.
Ariadna
1ª Lectura: Cando petan na porta pola noite
Igual que no ano 2015, iniciamos unha nova andaina no club Larpacontos cun pequeno conto de Xabier Docampo: Cando petan na porta pola noite
Suscribirse a:
Entradas (Atom)