3ª Lectura: A nena de auga e o príncipe de lume, Xabier Docampo

A terceira lectura do club, facendo honor ao noso nome de Larpacontos, foi unha recompilación de contos: A nena de auga e o príncipe de lume, dun autor xa coñecido no club: Xabier Docampo.

Sobre o Autor

Xabier Docampo, falando da súa vida:

Nacín chairego e fillo de chairegos o 5 de abril de 1946 en Rábade (Lugo). Aos meus sete meses trasladámonos a Castro de Ribeiras de Lea, de alí era miña mai —meu pai de Xermar (Cospeito)—, onde fun por primeira vez á escola.

     Pasando por enriba da etapa máis interesante da miña vida, a infancia, no comezo da adolescencia a familia enteira trasladouse a vivir á Coruña onde estudiei o bacharelato e maxisterio, sen perder nunca o contacto coa Terra Cha a onde regresabamos en calquera oportunidade por curta que fose a estancia.

     Traballei como mestre en varios colexios e durante oito anos en Preescolar na Casa. Estiven sempre relacionado cos movementos de renovación pedagóxica.

     Pertencín ao Consello de Redacción da Revista Galega de Educación. Dei cursos a profesores e lin ponencias en congresos sobre a didáctica da lingua e a literatura, sobre a lectura e a súa implantación escolar e social, sobre a narración oral, a súa estructura, a súa influencia na literatura escrita e a súa utilización didáctica, tanto en Galicia coma fóra. Estas actividades de reflexión sobre da narración oral, a escritura e a lectura leváronme a participar como conferenciante en eventos sobre tales temas en América en diversas ocasións.

     Escribín libros de texto para a escola e textos de ensaio didáctico e pedagóxico.

     Fun actor e director de teatro. Traballei durante sete anos en Radio Nacional de España en Galicia como guionista e como director de programas de diverso tipo e formato. Tamén escribín e dirixín obras para vídeo e para televisión. Dei cursos a profesores sobre a utilización didáctica de ambos medios.

     Durante un tempo fixen diferentes actividades de narración oral en distintos lugares de Galicia e de fóra.

     Participei na creación da Asociación Galega do Libro Infantil e Xuvenil (GALIX) na que pertencín durante cinco anos á súa xunta directiva, dous deles como presidente.

     Durante tres anos fun columnista semanal na prensa diaria.

     Polos meus libros déronme algúns premios:

     Premio "Feira do Libro de A Coruña, 1989", polo conxunto da obra narrativa.

     Premio "Emilia Pardo Bazán" do Ministerio de Educación.

     Premio "Rañolas 1994" á mellor obra de Literatura Infantil e Xuvenil en Galicia.

     "Premio Nacional de Literatura Infantil y Juvenil 1995".

     "Honourl List IBBY 1996".

     "The White Ravens 1997" de la Jugendbibliothek de Munich.

     Premio "Lecturas" da Asociación do Libro Infantil e Xuvenil de Galicia (GALIX) de 2004.

     "The White Ravens 2005" da Jugendbibliotethet de Munich.

Sobre a obra

¿Como se fai un conto? Primeiro tes que ter a quen llo contar e, logo inventalo.¿Ti cres que coa auga e o lume pode facerse un conto? Proba a ver se es capaz. Verás que non é tan fácil xuntar a auga e o lume. Esta nova edición de A nena de auga e o príncipe de lume,integramente correxida polo autor ofrece dous contos inéditos e presenta finais adicionais en cada un deles.Así mesmo, todas as ilustracións foron realizadas de novo para esta edición.

Opinións dos lectores

Pareceume un libro bonito e intrigante. O meu conto favorito é o do mando a distancia, gustaríame ter un mando coma ese.

Rubén

Pareceume bastante divertido e interesante. O meu conto favorito é A nena de auga e o príncipe de lume porque é una historia romántica e son as miñas historias favoritas.

Ariadna

Gustoume porque son contos curtos moi ben narrados. O meu favorito é o do cabalo de cartón porque recrea un mundo fantástico feito de papel xenial.

Daniel
Recopilación interesante de contos moi orixinais cheos de creatividade. Recoméndoo¡
Hugo

1ª LECTURA: Cando petan na porta pola noite, Xabier Docampo

"Cando petan na porta pola noite", este foi o título escollido para iniciar a andaina do Club de Lectura Larpacontos de 1º de ESO. Este libro é de Xabier Docampo.
A elección deste libro non foi azarosa se non que foi porque no mes de outubro tivemos a visita dun contacontos moi especial: Caxoto, que nos deixou con moitas ganas de ler para saber o final dunha historia. 

 Caxoto na actuación o pasado outono no noso centro

Neste enlace pódese ver a reseña da actuación no blog da biblioteca.

Cando petan na porta pola noite editouse por vez primeira no ano 1994 e foi reeditado varias veces, a última delas en febreiro do 2005.
O libro divídese en catro relatos; "O espello do viaxeiro", "O fornadas", "A loba" e "O cumpremortes". Cada un destes relatos conta historias diferentes, que o fin ó cabo, demostran principios ou traen algunha ensinanza agochada.

Xabier Docampo, falando da súa vida:

Nacín chairego e fillo de chairegos o 5 de abril de 1946 en Rábade (Lugo). Aos meus sete meses trasladámonos a Castro de Ribeiras de Lea, de alí era miña mai —meu pai de Xermar (Cospeito)—, onde fun por primeira vez á escola.

     Pasando por enriba da etapa máis interesante da miña vida, a infancia, no comezo da adolescencia a familia enteira trasladouse a vivir á Coruña onde estudiei o bacharelato e maxisterio, sen perder nunca o contacto coa Terra Cha a onde regresabamos en calquera oportunidade por curta que fose a estancia.

     Traballei como mestre en varios colexios e durante oito anos en Preescolar na Casa. Estiven sempre relacionado cos movementos de renovación pedagóxica.

     Pertencín ao Consello de Redacción da Revista Galega de Educación. Dei cursos a profesores e lin ponencias en congresos sobre a didáctica da lingua e a literatura, sobre a lectura e a súa implantación escolar e social, sobre a narración oral, a súa estructura, a súa influencia na literatura escrita e a súa utilización didáctica, tanto en Galicia coma fóra. Estas actividades de reflexión sobre da narración oral, a escritura e a lectura leváronme a participar como conferenciante en eventos sobre tales temas en América en diversas ocasións.

     Escribín libros de texto para a escola e textos de ensaio didáctico e pedagóxico.

     Fun actor e director de teatro. Traballei durante sete anos en Radio Nacional de España en Galicia como guionista e como director de programas de diverso tipo e formato. Tamén escribín e dirixín obras para vídeo e para televisión. Dei cursos a profesores sobre a utilización didáctica de ambos medios.

     Durante un tempo fixen diferentes actividades de narración oral en distintos lugares de Galicia e de fóra.

     Participei na creación da Asociación Galega do Libro Infantil e Xuvenil (GALIX) na que pertencín durante cinco anos á súa xunta directiva, dous deles como presidente.

     Durante tres anos fun columnista semanal na prensa diaria.

     Polos meus libros déronme algúns premios:

     Premio "Feira do Libro de A Coruña, 1989", polo conxunto da obra narrativa.

     Premio "Emilia Pardo Bazán" do Ministerio de Educación.

     Premio "Rañolas 1994" á mellor obra de Literatura Infantil e Xuvenil en Galicia.

     "Premio Nacional de Literatura Infantil y Juvenil 1995".

     "Honourl List IBBY 1996".

     "The White Ravens 1997" de la Jugendbibliothek de Munich.

     Premio "Lecturas" da Asociación do Libro Infantil e Xuvenil de Galicia (GALIX) de 2004.

     "The White Ravens 2005" da Jugendbibliotethet de Munich.

Recuncho informativo do club de lectura

Opinións: 

Pareceume unha obra moi interesante e é moi entretida. Ainhoa Novo

Vídeo:

Este vídeo gravouse aproveitando o escenario dun cemiterio que tiñamos preparado na entrada da biblioteca co motivo do samaín. A idea tomámola do contacontos Caxoto, que comezou a súa narración do libro de Xabier Docampo cunha listaxe similar a nosa, e que asúa vez tomouna do epílogo do libro Cando petan na porta pola noite.

Os participantes son membros dos clubs de lectura.