6ª REUNIÓN CLUB DE LECTURA

 O Club de Lectura Larpacontos realiza unha nova xuntanza o venres 10 marzo 2023, tanto para falar das últimas lecturas e debatir sobre o xénero de banda deseñada e manga, como para elixir un novo libro. Nesta ocasión, para que a nosa compañeira Karem poda seguir afondando na lingua galega a nosa elección foi Harry Potter e a Pedra Filosofal, de J.K. Rowling, xa que para solvertar as dificultades da nova lingua apoiámonos nun libro previamente lido polos membros do Club en lingua castelá e incluso coñecemos a versión cinematográfica.  

5ª REUNIÓN CLUB DE LECTURA

Realizamos a nosa reunión o mércores 15 de febreiro 2023, preparando as nosas lecturas para as próximas mini-vacacións de Antroiodo. Desta volta deixamos a narrativa e nos pasamos a outro xénero, e como imos ter máis tempo libre levamos dous títulos: A mansión dos Pampín, de Miguelanxo Prado, para que a nosa compañeira Karem se achegue á lingua e á cultura galegas, aínda que se xa en clave de humor. Por outra banda, e seguindo coa banda deseñada, algúns dos membros do club iniciaranse no mundo do manga a través da proposta do xaponés Yusei Matsui con Assassination Classroom.

4º REUNIÓN CLUB LECTURA LARPACONTOS

 Xa de volta das vacacións de Nadal, que nos permitiron non so descansar dos estudos e estar coa familia, senón de dispor de máis tempo libre para dedicar á lectura, reunímonos de novo o venres 20 de xaneiro de 2023. Toca comentar as aventuras de Percy Jackson en Percy Jackson y el ladrón del rayo de Rick Riordan, cheas de referencias á mitoloxía clásica, e pasar agora a algo máis desenfadado e de lectura máis sinxela. O libro "Mis whatsapp con mamá" recollen unha serie de conversas entre unha nai e un fillo en formato whatsapp, con moitos elementos humorísticos. Esperamos que nos arranque algunha gargallada!

3ª REUNIÓN CLUB LECTURA CURSO 2022-2023

Elías, Tatiana e Karem, membros do Club de Lectura Larpacontos, reuníronse o venres 16 de decembro de 2022 na Biblioteca Castelao para comentar a primeiras das lecturas realizadas este curso. Na pasada reunión, que tivo lugar o venres 25 de novembro de 2022 decidimos iniciarnos á lectura coa novela Invisible de Eloy Moreno. Este libro xa foi utilizado na última edición activa do Club de Lectura (curso 2019-2020) e timo moito éxito entre os participantes daquel momento. Os tres membros do actual Club de Lectura concordaron e coincidiron en que a pesares de que a historia é un pouco dramática, é unha lectura moi recomemdable para denunciar as conductas de abuso escolar ou bullying. A próxima lectura que teremos entre mans vai máis polo mundo clásico, iniciándonos coa saga de Percy Jackson. Animádesvos?

INICIAMOS O CLUB DE LECTURA NO CURSO 2022-2023

Despois dun parón dun par de cursos (debido á situación excepcional da Covid-19), o venres 4 de novembro tivemos a primeira reunión do Club de Lectura Larpacontos. Imos esforzarnos ben por volver a mover as engranaxes e comezar a facer rodar esta iniciativa, e esperamos que aínda que sexa ao principio un tanto difícil, de aquí a final de curso poidamos avanzar e realizar con éxito a nosa doble misión: por unha banda promover a lectura e atopar un espazo para o intercambio de ideas e a socialización.

Cando deseñamos a proposta para o Club de Lectura Larpacontos neste curso 2022-2023 contábamos co compromiso de 6 alumnos/as da ESO: 1º ESO (2 rapazas e 1 rapaz), 2º ESO (1 rapaza e 1 rapaz) e 3º ESO (1 rapaza). Mais este número veuse xa reducido coa baixa de varias persoas, nalgún caso por cambio de centro educativo e noutros por falta de tempo, interés ou motivación. 

Somos poucos, pero como deixou escrito Baltasar Gracián fai moitos séculos: "Lo bueno, si breve, dos veces bueno". 

Nestre primeiro dos nosos encontros simplemente tratamos de romper o xeo, comentar as nosas expectativas en torno a esta actividade, dar unhas pinceladas sobre os nosos gustos e preferencias en conto ás lecturas, etc. Acordamos tamén traer para a vindeira reunión un par de suxerencias de lectura, para así poder ir abrindo o camiño a esta experiencia grupal. 

Visita do Club Larpacontos á Expotaku

O pasado venres 24 de maio visitamos a feira Expotacu na Coruña. Nela puidemos coñecer todo o máis recente desta cultura. O alumado puido xogar, comprar e ver en directo como algúns debuxantes facían as súas creacións.

Resumo do curso

Este ano non houbo tempo de deixar no blog as opinións e comentarios sobre as nosas lecturas, imos deixar a lista de títulos lidos:

My hero academia, Kohei Horikoshi



Assasination classroom, Yusei Matsui






Tonecho de Rebordechao, Breogán Riveiro




León kamikaze, Álvaro García Hernández




O contador de estrelas, Santi Jaureguizar






Mi verdadera historia, Juan José Millás




Aire negro, Manuel de Pedrolo




Lectura para o verán: Invisible, Eloy Moreno